(Per leggere l’articolo in italiano cliccare sulla bandierina in alto)
Sa denùntzia de is sindacados est cosa chi pesat abolotu: “Sas veturas ispatzanie de su Corpu forestale e de guardiania ambientale de sa Sardigna non si podent impreare a cajone de is mancàntzias de sa amministratzione. In su giassu istitutzionale si podet castiare una foto chi mustrat una ocurrèntzia ridìcula”.
A pònnere a campu sa denùntzia sunt Cgil, UIL, Saf, Sadirs, FeDRO, chimbe siglas regionales: “Su 13 de ghennàrgiu passadu – iscrient a sa assessora de s’Ambiente Spano – su Cumandante de su Corpu Forestale at comunicadu a sa Protetzione Tzivile chi custu ierru su personale regionale no at pòdidu impreare is veturas a disponimentu “ispatza-nie”, ca mancaiant is “zavorras” netzessàrias pro unu usu curretu e pretzisu”.
Su Cumandante etotu at impostu chi is veturas, comporadas pro is interventos de protetzione tzivile, mescamente pro emergèntzias de nie, deviant abarrare firmas.
Pro ite? A dd’acrarire sunt torra is siglas sindacales: “Sende de badas totus is isfortzos econòmicos fatos in su passadu pro parare fronte a is emergèntzias, limitende a beru su traballu de su Corpu Forestale in s’òpera de contivìgiu de is persones e de is benes patrimoniales pùblicos e privados – imputant – est una befe verdadera a bìdere in su giassu istitutzionale de su Corpu Forestale una vetura “ispatza-nie” in atzione, cun una iscrita supra “emergèntzia nie”. Essint a pìgiu importantes responsabilidades, mancàntzias, e amministratzione de pagu gabbale e si ischit chi s’impreu de is veturas est istadu in su passadu – e forsis finas como – fatu contra lege vigentes. E a beru non si acrarit totu cun sa lìtera de su Cumandante, chi proat a istesiare sa Regione dae is responsabilidades supra is ghiadores, in casu de dannu”.
Unu problema importante, totu intro a sa Regione, chi movet discussiones pro more finas de is polèmicas sighidas dae is ritardos in is interventos in is dies de emergèntzia pro su nie.
Ma essendo mezzi polifunzionali, per zavorrare gli Scam non bastava riempire le botti d’acqua?
Non ci posso credere….zavorre? Ma se siamo zeppi di “zavorre”….
Sabbe bastato riempire per tre quarti le taniche antiincendio, per non farle scoppiare al congelamento dell’acqua o usare un’emulsione ai sali di calcio per favorire lo scioglimento della neve.