Custu est su giassu in limba Sarda.
Per leggere l’articolo in italiano, clicca sulla bandiera in alto, scegliendo l’opzione del tricolore.
“Cun bois, como, diamus ispèrdere su votu. Mègius sos grillinos como e bois in sas Regionales”.
Eletore discuntentu istimadu, chi cheres imbiare unu messàgiu de botzadura a sos partidos traditzionales, ma times a ispèrdere su votu, pedo petzi tres minutos de su tempus tuo.
Tre minutos in ue, cun rispetu assolutu, dia chèrrere cumpartzire cun tegus unu resonamentu polìticu fundadu in sos nùmeros.
In Sardigna, custu est craru, su votu inùtile est su chi si dat a sos partidos italianos.
Siat a sos betzos, chi amus giai connotu in sa proa (fallimentare) de su guvernu, siat a sos “noos”, chi non tenent una classe dirigente credìbile.
Est unu votu inùtile fintzas e mescamente dae su puntu de vista numèricu.
Est a nàrrere, pròpiu sa motivatzione chi impitant medas indetzisos e discuntentos pro si furriare a su Movimento Cinque Stelle e no a su progetu totu sardu de s’Autodeterminatzione.
“Cun bois, como, diamus ispèrdere su votu. Mègius sos grillinos como e bois in sas Regionales”.
Ma subra de cales datos cuncretos si fundat custu resonamentu?
Bidimus sos nùmeros, cussos veros. E sos nùmeros, giai s’ischit, sunt conchitostos.
In Itàlia su corpus eletorale est formadu dae unos 50,7 milliones de eletores.
Ponimus chi a sas urnas , su 4 de martzu, andet sa matessi pertzentuale de votantes de su referendum de nadale de su 2016, est a nàrrere, su 65%.
Contende, resurtant unos 34 milliones de eletores.
Como, leamus pro bonos sos sondàgios prus positivos pro su Movimento Cinque Stelle e ipotizamus chi sa lista ghiada dae Di Maio leet su 30% de sos cunsensos.
Diant èssere, de pretzisu, 10,2 milliones de votos. Medas a beru, ma non diant bastare a lòmpere a su 40% famadu chi diat assegurare una vitòria a sa sola.
Sos votos in cussu casu diant dèpere èssere 13,5 milliones.
Como, faghimus contu chi sa matessi pertzentuale (su 30%) su Movimento Cinque Stelle la leet in Sardigna.
Cunsideradu chi su corpus eletorale est formadu dae 1,2 millines de eletores – e ipotizende chi a votare andet su 65% famadu – sos cunsensos de partzire intre sos partidos sunt 800 mìgia.
Duncas, su 30% potentziale est formadu dae belle 250 mìgia votos.
Ischides, duncas, in cale pertzentuale sos 250 mìgia eletores sardos potentziales de sos Cinque Stelle ant a leare parte in su resurtadu italianu de su partidu issoro, chi est (potentzialmente) de 10,2 milliones? Pagos deghimales.
Est a nàrrere, duncas, chi si perunu sardu – pro asurdu – diat votare pro issos, sa pertzentuale a livellu italianu diat colare dae su 30 a su 29,7%.
Sos votos bostros – so faeddende de sos indetzisos chi cherent artziare in unu carru italianu – galu gasi ùtiles bos parent?
In perunu casu sos votos de sa Sardigna, fintzas si totu sos 800 mìgia (il 100%) diant andare a sos Cinque Stelle, diant èssere“ùtiles” o bastantes pro cuncùrrere a modificare su resurtadu italianu.
Ite diat acuntèssere, imbetzes, si 100 mìgia de cussos 250 mìgia (sos indetzisos chi cherent votare “ùtile”) si si diant unire a sos medas chi gia cherent seberare AutodetermiNatzione?
Diat acuntèssere chi unu sugetu totu sardu diat tènnere sa majoria relativa de sos votos, devenende deretu unu “casu” chi si nde diat faeddare in mesu Europa, comente est acuntèssidu pro Còrsica e Catalugna.
Diat acuntèssere chi su messàgiu bostru de botzadura de Pd e Forza Italia non si diat ispèrdere in intro de unu partidu chi at a tènnere su matessi, sena contare bois, una resessida bona (mancari non bastante a andare a su guvernu), ma diat tènnere sa prospetiva de assegurare un’impèllida noa a sa Sardigna.
Nde cunsighit chi s’assuntu “Como a sos Cinquestelle, bois a sas Regionali” si diat mustrare a beru contraprodutivu, mancari bois tengedas intentziones bonas.
B’est su perìgulu de ispèrdere su votu. No ais a influire in su resurtadu italianu e b’est su perìgulu chi boicotedas s’ùnica prospetiva ùtile bera pro sa Sardigna: fraigare unu blocu natzionale, chi siat a tretu de mandare a dae in antis in maniera unitària – cun sa fortza dada dae unu pòpulu intreu chi nd’amparat sas istàntzias – unu progetu nou, pro una Sardigna prus giusta e lìbera dae su giuu e dae sas incrostatziones de sos partidos italianos.
Est unu resonamentu elementare. Sunt nùmeros chi totus podent cumprèndere.
Bos pedo de nde resonare e de fàghere unu sèberu induidu non dae s’efetu tragiamentu chirru a una massa chi non b’ntrat cun sa Sardigna, ma dae sos interessos bostros beros. Bostros, de sos fìgios bostros e de sa terra bostra.
Ammentendeˑbos chi sa Sardigna no est e no at a èssere mai una prioridade pro sos italianos. Ma est una prioridade petzi pro bois. E pro totu nois.
5 stelle da un lato e voi (unica rappresentanza degli interessi sardi) dovreste (so bene quanto è facile a dirsi) concentrarvi sul 35% o secondo me sul 50% e forse oltre di chi non ha venduto il suo voto: chi non va a votare perché disgustato dallo status quo (buona percentuale di quel 35%) e chi è indeciso fino all’ultimo perché gli interessa davvero poco o nulla la politica e aspetta quasi all’ultimo per decidere (incluso il non decidere cioè non andare a votare).
Mi scusi Direttore ma nella vostra campagna di comunicazione dove sono finiti i disastri ambientali (Quirra, Teulada, Furti, Porto Torres, Sarroch etc) e l’alta incidenZa di malattie e tumori causati dagli interessi costituiti di chi da sempre governa qui in Sardegna?
Dove è finita la campagna contro la corruzione a tutti i livelli dai consiglieri regionali ai burocrati a tutti i livelli dell’amministrazione?
Dove si parla della negazione o cancellazione della nostra storia antica e anche più recente che degli studiosi valorosi non allineati con grande fatica stanno cercando di far scoprire (Sardegna non è Italia, su basi scientifiche !)
Solo suggerimenti e non critiche a un grande lavoro e percorso che state facendo e che speriamo attragga sempre più Sarde e Sardi.
Saluti
Is Sardos, chentza fide e ne fidúcia in noso etotu, coment’e chi siaus unu tàgiu de brebès e no gente chi portat cerbedhu, a una votatzione iscudent sa conca a su muru de una parte de sa dipendhéntzia, a s’àtera iscudent sa conca a su muru de s’àtera parte de sa dipendhéntzia. Dónnia borta “Punto e a capo” faendho sèmpere sa matessi cosa assurda!
Candho est chi cumenciaus a coltivare fide e isperàntzia e capacidades in noso etotu si no seus illúdios e ingannaos chi is àteros siant pentzandho a noso cun totu s’istória chi nosi contat chi seus sèmpere in manos angenas chi mai ant fatu is torracontos de sa Sardigna?
Indipendhentemente de dónnia càrculu de is votos (e a parte sa lei eletorale infame chi ant aprovau e nosi cundennat a contare ancora prus pagu, in terra angena e in terra nosta etotu!) faeus sèmpere contos ibballiaos votandho candho a una parte e candho a s’àtera is partidos de sa dipendhéntzia, no faeus contu chi is partidos italianos totus, de calesiògiat misura e colore e programma, funt sèmpere e totus s’Itàlia! Puru cun is diferéntzias chi tenent, portant totus sa matessi funtzione de sa dipendhéntzia chi est isperdendho is Sardos e bochindho sa Sardigna. Ca est su raportu cun s’Itàlia chi faet custu dannu e chi si seus bonos e portaus conca e coro depeus cambiare!
Su solu votu inútile e pérdiu de is Sardos est su votu a is partidos italianos: funt custos s’Itàlia!!!
Con tutto il rispetto po sa limba … se questo commento (che condivido) fosse espresso in italiano, avrebbe raggiunto una platea quadrupla di lettori.
Nuccio, the translation of your writing is: you must write only in Italian.
Il ragionamento non fa una piega, ma per come il progetto determinazione è poco conosciuto in due mesi non riuscirà a fare la rivoluzione
Non potete aspettarvi chissà quale risultato se fino a ieri anche la vostra candidata Lucia Chessa militava ed era persino candidata col PD
È difficile spiegarlo agli elettori possibili
Vi voto, ma oltre non posso andare e convincere indecisi anche coi numeri alla mano è dura
Se non altro chi vota i cinque stelle almeno frantuma spazi consolidati dei Pd e forza italia
@Nuccio Monello: Ma no! sarebbe bastato la L.S.C…
Carissimo Antoni Muroni, sulle capacità di governare, sappiamo bene come hanno governato bene i sardi che si sono seduti sullo scranno più alto alla guida della regione Sardegna, quindi non avendo tu la sfera di cristallo non sei in grado di fare certe affermazioni, in quanto lo stesso potremmo dire di autodeterminazione o carrabusu chi siada. Non voto cinque stelle e non voto nessun partito sardo, ho deciso di invalidare la scheda elettorale, con la procedura concessami dalla legge.
Fino a prova contraria avremo tanti esponenti del m5s che possono rappresentare i sardi in parlamento, inoltre se mai entrerete in parlamento sarete mangiati dal sistema corruttore. Mettete delle regole interne al partito per prima cosa. E’ la prima volta che una forza anti sistema sia vicina a vincere le elezioni, quindi smettiamola di prenderci in giro ma avete paura che vinca il movimento altrimenti una persona minimamente informata sa che meritano fiducia e che faranno grandi cose anche per la sardegna. Abbiamo bisogno di riforme urgenti a livello nazionale cosa che voi non potete fare. Magari per le regionali, ma ora non se ne parla