Deo no b’intro nudda, però apo proadu unu sentidu de umiliatzione, che a cando mi bido sa gente mia e de sa terra mia avilida a custa manera.
Su presidente tzinesu lompet a Sardigna, e cun sas autoridades regionales, bisitat a manera lestra Nora, màndigat unu durche e bufat una tatza de binu. In su mentres, in fatu a issu assoddint bestimentas e caratzas traditzionales.
Ischides giai comente la penso in contu de caratzas traditzionales e, no in tamen totu su rispetu pro sos grupos, non so de acordu cun custa polìtica.
Ca si su presidente diat àere fatu una frimmada ùnica in Roma, non creo chi li aerent batidu sas gòndolas in su Tèvere. No Venètzia, no gòndola.
Ma in Sardigna est diferente. E mancu male chi a iscontzare sos nùraghes est punta a susu, si nono Barùmini diat èssere istada “turista per sempre”.
Ma, posca sas lanas ,si lòmpet a sa capia, si faeddat de economia. “Bois diais dèvere bèndere ògiu, binu e casu in internet”. Raju, betze cussìgiu. Cosas poderosas, economia assartadora.
“Pro more de sa bisita mia inoghe ant a bènnere unu muntone de turistas tzinesos”.
“Unu mercadu potentziale de unu miliardu e mesu de turistas”, agiunghet un’assessore regionale.
Lassade pèrdere ca cada annu mustramus de non resèssere a nde baliare tres miliones.
Su presidente Pigliaru tando mustrat sos murros, e si nde faghet bragosu cun sos giornalistas chi in custu mercadu istremenadu amus a ofèrrere sos prodotos sardos, “cun unu màrchiu chi s’at a pòdere connòschere bene”.
Non si cumprendet de cale màrchiu “chi si podet connòschere bene” faeddet. In capas de su tricolore chi b’est in totu cussas chentinas de mìgia de prodotos italianos.
Ma a manera curiosidadosa sos tzinesos no acrarint bene su pro ite de sa permanèntzia issoro in Sardigna. S’iscùsia chi siant “de passàgiu tuchende a su Maròcu” la lassamus a sos prus creulanos.
Mancari nos diant pòdere contare chi unu de sos apretos de primore de su gigante tzinesu (e de totu su mundu industrializadu) est s’energia.
Gasi chi, si nd’aerent arresonadu, nos diat èssere torradu a sa retentiva chi in Narbolia b’at giai unu parcu mannu fotovoltàicu, caratzadu che a una serra. Est a capitale tzinesu.
Ma pro faeddare de progetos de energia non serbit su Frantzischeddu nostru, de cosas sèrias si faeddat cun Renzi. Si podet dare chi nois ponimus petzi sa terra e su sole. A in donu. Ca b’est sa “clausola de suprematzia” , pronta cun su Eja.
E duncas, mancu a lu fàghere aposta, si nche infrusat Renzi, chi faghet duos cucurumeddos in Casteddu pro saludare sas tropas chi l’adorant e pustis currit a chenare cun su presidente tzinesu.
Presidentes, mugeres e ministros tzinesos. E Frantzischeddu? E Massimeddu? Sos meres de domo fora dae sa ghenna.
“O Mattè, là ghe a Chiagliari ci hai promesso a senatori!”
“Pitzocos, tenide passèntzia, mancari leade-bos-lu dae su caddotzone unu paninu. Depimus arresonare de cosas de importu. Cosas de gente manna. Nos intendimus cras”.
A s’incras Renzi, recuit a sa capitale sarda devet fàghere su Patu pro Casteddu. 168 miliones.
Betze dadivosu. Miliones a manca e a dereta.
“Raju, mi nche so lassadu su libreddu de sos assegnos in domo. Ma giuro chi bos lu do eh”.
E totus a isperare chi no acabet comente su Patu pro sa Sardigna frimmadu in triulas, ca sa cosa prus segura finas a como est s’inchisinadore de Tòssilo. Gasi li brusiamus s’arga.
Pro su chi sobrat, tando, in fines sas promissas sunt fatas e si su 4 de nadale non binchet su Eja…Nemos si chènscet si su dinari no arribat.
Ma ite ricatu? Ite parolones. Naramus chi si narant “propostas chi non si podent refudare”.
“Bene amigos sardos, sos acordos sunt leados, est ora de mòvere ca b’at caminu longu de fàghere”.
A s’istatzione bi fiant totus, cun sos ogros ruios e su bonete in manu… (pro pedire).
All’aeroporto c’erano anche quelli ( poveri illusi ) col caschetto in mano…
Pro caridade cheret piccau e iscuttu a terra, cussu restu ‘e muntonarju de Renzi e gai l’istet s’ocru cantu amus a biere azudos e dinares de s’istatu italianu, est una birgonza solu a los biere sene lis inchendere trumba ‘e focu! unu raju chi lis falet e los isperdat tot’in pare.
Sos contos jà sun bellos ma non bi torran, lu navan sos mannos e ajan resone. MI sun piachios sos pessamentos de Devias peroe, si potto, mi diat piachere, in annattu, de pessare chi siat istada tottu una futtidura e chi medas de sos caddos de istalla appan pessau, imbetzes, chi fit cos’e gabbale. Itte nanchi non fit custa bennia in Sardigna de cussos chin sos ocros a mendula prenos de dinare! Sos chi si sun postos a contare an faveddau de “evento storico”. Itte bellu contu! Lastima chi a uno de cussos chin sos ocros a mendula nche li siat essia una beridade: “scalo tecnico”! Comente diat essere? Nanchi sun bennios apposta e imbetzes an firmau a ponnere benzina. In su mentras chi fin prenande “cherosene” pro torrare a partire “sos nostros” an cherfiu piccare a furriu sa zente, manna e minore, pro nanchi mustrare sas bellesas de cue. Ma si cherian ispantare s’istranzu, non aian appiu deppiu mustrare unu nuraghe, chi est prus ispantosu de sas pacas predas de Nora? Issos in domm’issoro an sos gherradores de cariasanta (chia diat depper’essere “s’argilla”), chi sun un’ispantu. Ello sos gherradores nostros de Mont’e Prama male b’istavan pro chircare de apparisare sos contos? In prus, tottu cantos sos nostros, a dare cara a s’istranzu, ca toccata, chin s’ispera chi bi torret dinare. Nosse, non bi torran sos contos! Inoche b’at futtidura. Bae e pisca cant’est s’ispesa pro tottu custa biabolica! A nois toccat sa goddetta? Timo chi eja. A urtimu su maghiarju chi andat a Casteddu minore e a Tathari mannu pro sichire a contare sos contos chi non bi torran (peri cussos). Ello a Nugoro? Non est chi nd’appa prantu sa mancantzia. Peroe, semper chircande de fachere torrare sos contos.. e itte.. sos burdos de zia Bannedda Culicrettia semus? A nois triuffu non bi non de toccat?
Grazie per averlo scritto
Qualche maggiore cura per la lingua italiana e per la logica non avrebbe nuociuto all’articolo.
Si, tutto vero, ma tu a contestare Renzi Pigliaru e Zedda, non c’eri eneanche i tuoi simpatizzanti. E si le manifestazioni sono dei centri sociali e black blok da cui bisogna prendere le distanze, no?
Cristoforo Bozano, se vuoi leggere in italiano puoi farlo, sa limba nosta est su Sardu
Pio pio pio pio pio é l’unica cosa che mi viene in mente quando vedo alcuni sardi prostrarsi davanti allo straniero
Caru Predu, (Pier Franco Devias) ki non t’emu connottu avio curtu periculu dde iscries cosa improvisadas.
Sia craru ki su ki as’iscrittu est beridade, ma podo narre ki as’iscruttu dde MEDA MENTZUS in facebook. Non ki custu articulu no sia beru, ma incantu a sos lamentos dde su SI NO andas a votare non ti podes lamentare. Ego, e ti lu iscrio inoke comente frade sintzeri e comente tue ISKISI ego a votare NO ANDO. No ando ca soe Indipendentista liberu e kentze meres. Certu jai lisco ki ses’Indipendentista dde rispettu, ma invitande sa zente pro andare a votare in pratica ses dande linfa e vida a su sistema COLONIZZADORE italianu. Non keglio ponnere dubbios a sas capatzidades e su talentu tuo, ma in cussu votu segrettu a pustis dde milli imboligos ses ponende una perpetua cundenna a su Populu Sardu. Unu cras non pode narres ki no as votau su votu abbarra pro sempere. Ego isco ki su NOBILE tenteu tuo est a liberare sa Sardigna, ma dde s’italia no ba nudda dde si idare. Ego, no ixiu ki serbi su CUSSITZU, ma no andande a votare e cumbidande sa tzente a no andare tenimos prus probabilidade dde la vinkere. Si a votare no andamos su 50+1% in pratica fakimos su nobile compitu dde Indipendentistas ki non riconnoske s’italia e a pustius tenimo s’arma dde su cunsensu dde AUTODETERMINATZIONE in cale sia momentu benidore e dde lassare a sas generaxiones de su Populu Sardu ki deppene galu vennere. Caru Predu, (Pier Franco Devias) frade istimau, non ti soe dande unu cussitzu dde mastru ma dde frade e fitzos dde unu Populu su Populu NOSTRU su Populu Sardu. Cun Amistade Mario FLore
Ma a me non sembra che ci sia niente di strano che il presidente della Cina si intrattenga in colloqui con il presidente del consiglio e non con Pigliaru. A prescidere da Renzi, mi sembra normalissimo che uno dei capi di stato più importanti del mondo sia accolto in questa maniera dalle istituzioni. Ma poi mi chiedo, se fosse successo in Puglia, credete che il governatore pugliese avrebbe assolto i compiti di intrattenersi in esclusivi colloqui privati con il presidente della Cina? Ma stiamo con i piedi per terra. E cerchiamo di essere meno spaventati da qualsiasi cosa venga da fuori. Come si suol dire, “chie este iscaddadu a s’abba calda, este iscaddadu a s’abba fritta”. E’ davvero aria viziata che si respira ultimamente e sempre di più in Sardegna.
Errata corrige. “A me sembra che non ci sia niente di strano.”
La prima cavalcata Sarda è stata organizzata in occasione di una visita dell’allora re di Sardegna. Oggi sfilano burattini , soldatini ma anche Tenores. Addirittura c’è chi ha portato la squadra di basket, ma la sostanza è sempre quella: servilismo a tutto spiano per elemosinare qualcosa che ci spetterebbe di diritto!
Condivido interamente, nella forma e nella sostanza, quanto espresso dal signor Devias. Ho provato anch’io un senso di avvilimento per il comportamento da parte di chi è stato delegato a rappresentarci (non dimentichiamo che il voto è una delega e non un passepartout). La Sardegna meriterebbe molto di più.
…cappello in mano….e …..!
A breve, vedremo forse l’Esercito Cinese addestrarsi a Teulada?
scalo tecnico con vitto alloggio e spettacolino tutto compreso,gentilmente offerto da una classe politica di lustrascarpe.
basta è ora di prendere una volta per tutte le redini e governare la nostra isola