(Per leggere l’articolo in italiano cliccare sulla bandierina in alto e selezionare quella tricolore)
In custas dies sunt discutende in Parlamentu sa lege eletorale noa pro is eletziones polìticas.
A bisu meu – e non feti su meu, sighende sa dibata de custas chidas – su vulnus de sa proposta, riguardo a sa definida noa de is collègios sardos e de is maneras pro individuare is eletos, est in sa chistione de su trèmene de isbarrare, chi non calculant prus subra base regionale ma cun sa presumida de una isbarrada de su 5% subra base italiana.
In su 2017, duncas, chircant de torrare a introduere una circustàntzia chi aiat giai iscrocorigadu in su 2005 su presidente Ciampi, imbiende torra su Porcellum a is Càmaras.
Custu est galu prus ingiustu e malu a baliare si cunsideramus chi sa Sardigna est una Regione ispetziale, chi diat tènnere deretu a una ateretantu ispetziale tutela – tenta in contu dae sa Costitutzione – pro is minorias linguìsticas.
In custa circustàntzia però iscontamus su càncaru de sa Giunta Regionale, de parte manna de is parlamentares sardos (prus che totu de majoria) e de su Consìgiu Regionale.
Si dia èssere unu parlamentare sardu dia presentare tres emendamentos, sighende s’ispìritu subra ispricadu, e ispirende·mi a cantu giai tentu in contu dae su Porcellum.
1) Pro otènnere sègios in Senadu, ogni partidu o lista depet lompere a su mancu a s’8% de is votos in tames chi is coalitziones depent lòmpere a a su mancu su 20%. Is listas collegadas a una coalitzione chi apat propassadu su trèmene inditadu, partètzipant a sa cumpartzida de is sègios si propassant su 3% de is votos.
2) A tutela de is minorias linguìsticas reconnotas est tentu in contu chi is listas chi ddas rapresentant, alleadas o nono, potzant de onni manera intrare in sa partzida de is sègios pro sa Càmara de is deputados e de su Senadu si otenent a su nessi su 20% de is votos in sa circuscritzione in ue acudint.
3) Pro su Senadu de sa Repùblica est tentu in contu chi 6 de is 7 sègios chi ispetant a su Trentinu Alto Adige siant assignados peri collègios uni nominales, aguantende in custa ùnica Regione su mecanismu tentu in contu dae su cabosu Matallerum. Custa cunditzione diat podere èssere ismanniada a sa Sardigna.
Parit chi calicunu apat giai presentadu in custas oras, emendamentos e òrdines de sa die chi andant conca a custa diretzione ma is relatadores de majoria ant giai fatu a ischire chi subra totus ddoe at a èssere aposta; perunu rapresentante sardu dae su Pd, difatis, at presentadu sa chistione de una rapresentàntzia prena de s’eletoradu nostru in s’òrdine de sa die.
E cale ispetativa depìamus tènnere?
Sa risposta a custos cumportamentos at a dèpere lòmpere dae nois tzitadinos, in is atopos eletorales imbenientes.
Ho immediatamente segnalato quanto sopra. In realtà vi è di peggio perché a quanto esposto nell’articolo, che condivido, si aggiunge il meccanismo che il voto che verrà dato al candidato nel collegio uninominale verrà automaticamente attribuito al listino di candidati, rectius nominati dal partito,senza alcuna possibilità di esprimere una preferenza.
In un convegno sul “bilinguismo” organizzato da Flavio Cabitza e il PSdAz a Olbia l’avvocato Besostri (colui che con ha altri due avvocati ha portato avanti la causa per l’incostituzionalità della legge elettorale italiana) ha fatto un interessante discorso su questo argomento chiarendo che un’iniziativa per il riconoscimento della lingua sarda a livello europeo e quindi automaticamente quello del popolo sardo come minoranza linguistica porterebbe ad un trattamento simile a quello che hanno gli altoatesini di madrelingua tedesca. Sarebbe necessario chiedere se la cosa è andata avanti. Certo che sarebbe la RAS a dover essere madrina di una iniziativa di questo tipo e non averlo mai nemmeno preso in considerazione è un attestato di incompetenza e disinteresse di questa e le giunte precedenti per la causa dei Sardi e la loro rappresentanza politica.