(Per leggere l’articolo in italiano cliccare sulla bandierina in alto)
No est sa prima borta chi unu assessore a su turismu decrarat chi gràtzias a su terrorismu sa Sardigna benefìtziat de unu flussu turìsticu chi in tempos de paghe aeret seberadu àteras destinatziones.
L’aiat fatu su professore Morandi a pagas dies dae s’insediamentu suo e lu decrarat fintzas sa neo assessora Argiolas in una intervista.
“Custu pro nois est unu balore annantu mannu”, decrarat s’assessora riferinde-si a sa ìsula nostra comente terra segura e meta de sos timorosos chi non si diant aventurare mai in Tunisia, Egitu, Libia ecc ecc.
Cale est su motivu pro su cale si tendet a esaltare custu balore mannu pro sa Sardigna dae profilos istututzionales artos medas in ue diat èssere detzisamente mègius a si callare a sa muda, a nois non nos est dadu a l’ischire.
Però semus unu pagu gasi in Sardigna. Chie fuit dae su terrorismu pro bènnere in Sardigna in vacàntzia depet èssere acollidu a bràtzos abertos. Non solu, naramus-lu a totus chi semus terra segura e chi acollet. Chie fuit dae su terrorismu preguntende asilu polìticu imbetzes est mègius chi abbarret in domo sua.
Chi sa Sardigna tèngiat in sos programmas suos, dae semper, s’obietivu de balangiare s’isbocu econòmicu prus mannu dae su turismu est cosa nòdida. Deistajonalizamus. Creamus retza. Sas zonas internas. Totu bellu, totu giustu. A paràulas.
A paràulas pro ite si a pustis si abbàidat a sa finantziària aprovada in pessu sas summas destinadas a s’assessoradu a su turismu sunt sas prus esìguas de tota sa finantziària.
Su turismu a paràulas naraiamus. A paràulas tristas.
Su turismu andat isvilupadu cun polìticas chi siant funtzionales a issu, cun investimentos mirados chi giugant a àere prus pagas sagras e prus atinos in sos territòrios. Prus pagu folclore e ispetacularizatzione e prus arte, cultura, vida reale chi si fundet cun sa vida de sos biagiadores.
Su turismu diat èssere su moltiplicadore econòmicu prus mannu si resesseret, sena imbròglios, a pònnere a sistema produtores, artigianos e istruturas retzitivas.
In carchi logu, in Sardigna, si faghet giai cun ressessida. In carchi bidda si isperimentant formas noas e istrategias noas pro fàghere in manera chi su turismu diventet una parte de importu de s’isvilupu. S’ambiente, s’enogastronomia, sa bellesa sunt divenende tzentrales in sas polìticas locales.
Ma sunt casos galu meda isolados chi arribant dae illuminados privados o amministratziones lungimirantes. Caminu meda b’at galu de fàghere pro unu atinu colletivu e pro fàghere iscostiare sos investimentos de sa regione cara a unu turismu nou chi non siat petzi de cara.
Ma pro fortuna b’est su terrorismu, a sarvare s’istajone nostra.
Personalmente credo che il turismo s’incentivi facendo funzionare bene i servizi per tutti. Dire “destagionalizzare” corrisponde a rendere più semplice vivere in Sardegna, ad esempio con il creare quelle infrastrutture che rendano le zone della Sardegna ora poco toccate dal turismo meno “isole” nell’isola. Trovo giusto che si parli di migliorare il turismo, ma meno giusto che vi siano stanziamenti pubblici “dedicati”, quando le priorità del pubblico dovrebbero essere quelle di non creare ulteriori storture, sanando quelle che esistono. Infine, sulle sagre concordo in pieno e rincaro la dose:trovo davvero bizzarro, se non aberrante, che eventi validissimi,come Cortes Apertas,abbiano luogo in paesi vicini nelle stesse date. Sembra sempre di rivedere la scena dei capponi di Renzo nei Promessi Sposi: li portavano a tirar loro il collo e continuavano a beccarsi tra loro…
Cun salude, KK
Ma scusate promuovere il turismo in termini pratici porta soldi al promotre?
Se diciamo che Briatore quando dice che nellè Baleari vanno 50 compagnie e da noi 5 qualche problema c’è, diciamo comunque che è un cialtrone e allora?