(Per leggere l’articolo in italiano cliccare sulla bandierina in alto)
Sa Datto, sotziedade de collida de datos chi si nche balet unos cantos miliardos de dòllaros, non l’ant fundada in sa Silicon Valley. Su fundadore Austin McChord at comintzadu in su magasinu de su babbu in Wilton, Connecticut, una tzitade pitica de 18 mìgia abitantes. A custa manera at derutu su cumbinchimentu farsu cunforma a su cale est a òbligu a bìvere in una tzitade manna pro fraigare una sienda annoadora.
In contu de sa detzisione sua de abarrare a tesu dae sos polos tecnològicos mannos, McChord acrarit: “Su Connecticut no est gasi malu pro una sienda tecnològica, finas si b’at chie pensat contra. Nois b’amus agatadu talentos mannos”.
No est su primu chi at iscobertu chi sas tzitades minores ant prendas cuadas. Unas cantas intro sas primas 500 siendas de sa classìfica de Fortune, comente WallMart, IBM, Adidas e Lego ant comintzadu in tzitades minores, gasi comente impresas noas miliardàrias che a Glassdoor, Domo Technologies, Tanium e SimpliVitv. Custas siendas isfrutant sos vantàgios de sas tzitades minores (pesones bassas, dipendentes baratos e cuncurrèntzia prus lena), paris a àteros chi unu tempus fiant a manera ùnica riservados a sas tzitades mannas (finantziamentos isparghinados in retza, cussìgios dae sos mègius espertos tràmite piataformas eletrònicas, istrumentos chi fàghent prus fàtzile su teletraballu, e gosi e gosi).
Sos annoadores bident semper prus sas tzitades minores che a pesadoras de s’annoamentu. Pustis àere bisitadu unas cantas de custas, su futurista e tecnoevangelista Robert Scoble at iscritu chi sas comunidades piticas “sunt caentende su motore pro una crèschida coitadosa in su deghènniu imbeniente”. Unu cantu de custa crèschida est dèvida pro su prus a su gastu pro sas domos in tzitade, ma finas a su fatu chi est reduende-si sa diferèntzia de “vivibilidade”. Sas tzitades minores podent dare internet a velotzidade arta, bar, ristorantes, e semper prus ocasiones culturales pro su tempus lìberu.
Deo e totu so istadu dae comintzu un’imprendidore de provìntzia. Imbetzes de mi nche tramudare in una tzitade manna apo seberadu de abarrare in sa tzitade in ue so naschidu: Bellefontaine in s’Ohio, una tzitade de 13 mìgia abitantes in ue, cun s’agiudu de sa comunidade, amus creadu paritzas siendas chi ant onnuna unos cantos miliones de dòllaros de faturadu, chi ant creadu miliones de postos de traballu.
In s’esperièntzia mea sas tzitades minores sunt sos mègius disafios pro s’annoamentu, mescamente pro sos giòvanos imprendidores. Pro chimbe resones bonas:
1) Si podet isperimentare meda de prus sena isboidare su contu bancàriu tuo.
Si gestis un’impresa noa, sa fase de chirca de sos prodotos e de sos mercados adatos podet àere dura annos medas e rechèdere paritzos tentativos. Pro àere su prus de possibiliades de resèssida tocat a isperimentare su prus possìbile gastende su prus pagu chi si podet.
Su fundadore de Amazzon Jeff Bezos contat: “Amus chircadu de reduire su gastu de fàghere esperimentos a manera de nos pòdere permìtere a nde fàghere semper de prus. Si resessis a crèschere su nùmeru de esperimentos dae chentu a milli, creschet a manera parìvile su nùmeru de annoamentos pòssibiles”. Sas tzitades minores sunt su logu ideale pro custa casta de isperimentatzione. A bìvere in una tzitade minore si reduent sas boghes de primore de sos gastos chi un’impresa pesende-si a nou depet iscaretzire: gastu de sa vida pro sos fundadores, gastos de assuntziones, ufìtzios a pesone e gosi e gosi.
A esempru, calcolende su gastu vida cunforma a CNN Money iscoberrimus chi paghende unu dipendente 50 mìgia dòllaros a s’annu in sa tzitade minore de Lima in s’Ohio, l’amus a dèvere pagare a duas bortas su tantu pro mantènnere su matessi livellu de vida in New York! A sa matessi manera s’ispàtziu pro ufìtzios de una tzitade manna podet èssere paritzas bortas prus caru de su de una tzitade pitica: in Milpitas in Califòrnia, s’apesonat un’ufìtziu pro belle 200 dòllaros/mq a s’annu, mentres in Palo Alto si nde pagant milli.
2) Si podet comintzare a su livellu locale, posca natzionale e posca mondiale.
Cando s’est posta a proadòrgiu s’idea bostra in una tzitade minore, tando est possìbile a si allargare a totu su Paisu. Un’esempru bonu meda est su de sas birrerias artigianales, chi ant connotu pertzentuales de crèschida a duas tzifras in sos ùrtimos deghe annos. Jeremy, unu de sos sòtzios de Brewfontaine, sa birreria nostra artigianale locale, at isperimentadu sa fermentatzione pro ses annos in domo sua. Cando sa birra Jallé Berry a sabore de lampone e jalapeño l’ant agradessida meda sos amigos suos, l’at posta in una birreria locale, The Toxic Brew Company, e paris ant ordingiadu sa retzeta pro la difùndere in totu s’Ohio.
3) Si podet leare su mègius de sos duos mundos: abarrare in sas biddas minores e bisitare sas tzitades mannas.
A si imbèrghere in una cultura totu diferente agiuat a ismanniare sa mente. Si ponides s’impresa bostra in una bidda minore podides su matessi achirire familiaridade cun sos problemas e sos apretos de clentes chi no esistint in sas tzidaes mannas. E bos abarrat semper e cando sa possibilidade de intrare in su mercadu de sas tzitades mannas, si est pretzisu.
4) S’impatu relativu bostru at a èssere prus mannu.
In una tzitade minore bos ant a connòschere de prus e ais a àere un’impatu relativu prus mannu. In su libru suo “Dae zero a unu”, su miliardàriu imprendidore e investidore Peter Thiel acrarit s’importàntzia de inghitzare s’atividade bostra in unu mercadu minore: “Sa cajone est simple: est prus fàzile a dominare unu mercadu piticu prus de unu mannu…Facebook at comintzadu comente servìtziu pro unu campus universitàriu e bia in antis de si isparghinare in totu su mundu”.
A Bellefontaine sas siendas mias si cumpletant e si promovent pare pare. Pro nàrrere, cando amus abertu Brewfontaine amus crèschidu su tràficu pedonale finas pro sas àteras impresas chi fiant in s’istradone majore de sa tzitade. A sa matessi manera cando amus abertu unu tzentru commertziale cun 17 siendas, cun in prus unu parruchieri, unu fisioterapista e una ferramenta, cada sienda at batidu tràficu pedonale a sas àteras atividades in su tzentru commertziale, e finas in su tzentru de sa tzitade. Dae pagu tempus, amus fraigadu Lofts110, unu cumplessu de apartamentos de lussu in tzentru pro atirare sos giovànos professionistas de sa zona. A custa manera amus a creare tràficu pedonale pro su Brewfontaine nostru e pro tzentru commertziale nostru Mainstreet Marketplace. Custas sinergias non si diant creare in perunu àteru logu, e a custu livellu, si non in una tzitade minore.
*Fundadore e AD de Comston Oudoor e de Bellefontaine Ohio Properties Limited
Siguramente su TALENTU TZOVANILE in Sardigna no est mai mancau. Su ki pesada est ki semus una COLONIA USA-NATO e sos interessos dde custos suno RAGIONE INTERNAZIONALE. Pro ispiegare tottu custu bi kere tempus e riprogrammare su sentidu dde su populu Sardu. Certu in sas biddas dde Sardigna best una possibilidade MANNA dde fakere impresa e traballu innovativu. Ma ki no si liberausu dae su juu dde roma, onnia tentativu benidi impediu e mortu. Si lassan fakkere carki maskera dde identidade folcloristica e ballos e cantos a tenore e nudda prus. In pagas paragulas, s’impresa ki si torrat economia e riscattu est sa Libertade == a s’Indipendentzia. Pro como fakimos s’UNIDADE e bonu Traballu.
Innoi in Sardigna mera biddas no tenint infrastruturas chi dexant, Est galu difitzili chi tengant internet lenta intamus de cussa velotzi
L’articolo è molto interessante. Certamente potrebbe essere assunto come esempio a cui ispirarsi anche in Sardegna per predisporre degli strumenti contro lo spopolamento.
Concordo con Beppe che il gap infrastrutturale è il primo problema da sempre mai affrontato realmente. Purtroppo non è comunque l’unico gap e di per sé, ancorché risolto, non sarebbe sufficiente ad impedire lo spopolamento. Occorre intervenire almeno su altri 3 fronti (due di breve e uno di medio termine).
Il primo è l’imposizione fiscale e contributiva: occorre ridurre significativamente il prelievo fiscale e contributivo su tutta la Sardegna e in particolare sulle aree interne, a cominciare dalle attività individuali e sulle micro e piccole imprese
Il secondo fronte è la burocrazia: occorre tagliare, semplificare e facilitare l’avvio di attività imprenditoriali riducendo a zero i costi derivanti dalla burocrazia, liberando le risorse (incluso il tempo dell’imprenditore) da impiegare nelle attività imprenditoriali.
Il terzo fronte (di medio termine) è la cultura: occorre davvero intervenire per risolvere il gap culturale (oggi gigantesco) dotando le future generazioni delle conoscenze necessarie per sviluppare e gestire una propria attività imprenditoriale, sdradicando dalla cultura comune l’aspettativa che qualcun altro (magari il politico o l’amico dell’amico) procuri un lavoro o busta paga in attesa della pensione.
Saluti
Mooolto interessante. Inoltre se mancano alcune competenze che riguardano aziende digitali, è un attimo recuperarle in remoto a distanza. Così come i lavoratori sardi possono promuoversi sui portali freelancer e lavorare per aziende internazionali senza muoversi da casa
L’innovazione….non può essere un lettore di mirocip …come si può sostenere che l’ho può essere.Detto ciò è auspicabile una maggiore disponibilità di credito finanziario al seguito di una maggiore credibilità del tessuto sociale…la vera innovazione è anche avere gli strumenti basilari per poter compettere.