Custu est su giassu in limba Sarda.

«Sas tzarras in contu de unas possìbiles dimissiones dae parte mea? Rapresentant isperos, sena fundamentu, de sos aversàrios, de su guvernu e de mimi. No potzo colare su tempus meu interessende·mi a issos, potzo però narrere ca si custas tzarras s’esserent interessadas a beru a su Paisu, balla ca eja diamus a podere megiorare”. Gosi s’economista Paolo Savona, ministru pro sos Afàrios Furisteris, , iscobillat – in s’ora de un’intervista a Lìbero – su nara-nara inghìriu a unu disgàgiu chi diat a pertocare. Pro su restu, su documentu dae pagu imbiadu a Brussellas (17 pàginas in ue capent sos elementos netzessàrios pro donare fundamentu a su fràigu de una architetura europea noa), faeddaiat giai a craru. Sa filosofia de Savona est chi s’Europa si sarvat cun su creschimentu econòmicu feti: pro cussu tocat a nde bogare sas cunditziones pro s’isvilupu: investimentos, flessibilidade, unu sistema econòmicu unitàriu, cun s’integratzione de sos sistemas fiscales de sos paisos membros. In baddu no ddoe at feti sa ghia benidora de s’Europa, ghia chi s’ant a cuntierrare soberanistas, populares e liberales, cun su su Pse foras de sos giogos, ma sa subravivèntzia intrea de su sistema e de sa moneda ùnica.