L’isco, chi custu iscritu no est cussu chi sos tifosos pius arrenegados tiant cherrere.

De accordu. Ne amos leadu batoro da sa Juve, chimbe dae sa Fiorentina, batoro dae sa Lazio, chimbe dae su Torino.

Ma semus ancora in sa parte ‘e manca ‘e sa classifica, sa menzus iscuadra de sas noas in serie A e de cussas chi devent gherrare po no che calare in B.

Custu finzas si Rastelli depat dae meda rinuntziare a sos postos male Joao Pedro, Ionita, Farias e Murru. Batoro se sos primos undighi, de agiunghere a sos de s’annu passau Dessena e Melchiorri.

Propriu custos duos, cun sa torrada c’hant fatu, marchende retes importantes, hant fatu sas cosas pius bellas.

Enimos como a sas cosas chi andant male, chi puru no mancant.

No semus sa Juventus, sa Roma o su Napoli. E nemmancu su Milan, sa Fiorentina o su Torino.

Semus su Casteddu e tenimus problemas mannos in difesa, siant issos de chelbedera o de calidade. E custu nos esponet a figuras malas.

Creo chi tochet a tennere passentzia, teninde contu de su fatu chi hat a tocare a binchere contr’a sas piticas, in domo, si no cherimus finire indae segus meda.

Po su momentu tenimus sos nerbios calmos.

Sighimus a tifare po s’iscuadra. Si puru custu sero semus arrenegados, est sempere unu Casteddu de amare. Fortza Casteddu.