Nùgoro, Museu de sa Bestimenta, 28.10/26.11.2017

Antoni Simon Mossa (1916 -1971), tzineasta, polìticu e architetu, est una de sas figuras prus polièdericas e cumplessas de sa Sardigna, in sa de de duas partes de su ‘900.
S’ànimu suo curiosu de esploradore li faghet averguare a su visìbile pro mèdiu su filtru de sa tzinepresa chi mustrat sa relatzione ìntima chi b’at intre òmine e su logu suo.
Sa professione sua de architetu cumpudat s’echilìbriu fadosu intre limbàgios modernos e de sa traditzione, cun unu oriolu continu de chirca de sa “mesura” che a mèdiu de sa relatzione intre òmine e ispàtzios de su abitare.
S’atzione sua polìtica lu faghet meledare a pitzu de sa sorte de una Sardigna chi s’agatat in su momentu istòricu cara a sa modernidade.
In sa mustra sunt presentes sos disegnos originales de sos progetos chi contant paesàgios e sas influèntzia vàrias intre sos primos annos de s’iscola ratzionalista e su perìodu imbeniente in ue – a comintzare dae su progetu de su Museu de sa Bestimenta de Nùgoro – sa traditzione e sa modernidade andat a pare in su sincretismu de unu limbàgiu nou mediterràneu.
Su bentre de s’architetu, setzione tzinematogràfica de sa mustra, est una passu nou supra su biàgiu de istùdiu e de chirca intre sas relatas tra Antoni Simon Mossa e su tzìnema. Lìteras, proas de imprenta, iscritos de iscena, foto, apuntos de regia e unu manuale poderosu, chi oe permitint de torrare a iscrìere una pàgina de importu de s’istòria de su tzìnema de sa Sardigna.

Sa mustra est a incuru de:
ISRE, Istitutu Superiore Regionale Etnogràficu,
Associazione Mastros, sinnos e progetos pro sa tzitade mediterrànea,
Sotzietàde Umanitària Tzineteca Sarda.
.
Mastros – sinnos e progetos pro sa tzitade mediterrànea – est unu sòtziu de architetos e urbanistas chi a comintzu de su 2015, a segus de incàrrigu de sa famìllia Simon, at inghitzadu unu traballu de chirca e catalogatzione intro de s’Archìviu de s’istùdiu de Simon Mossa, cun sa tenta de isparghinare e tutelare s’òpera de s’architetu.

.Sotzietàde Umanitària Tzineteca Sarda. Gràtzias a s’archìviu integradu dae sa famìllia, at aviadu in su 2016 unu traballu de chirca a pitzu de sas relatas tra Simon Mossa e su tzìnema.