ISCADRAS RADIATIVAS: NON FAGHIMUS SA FADDINA DE SA RANA BUDDIDA
Dae su 2015 sa Sardigna at torradu de manera ufitziale a àere sa funtzione de cajenna de s’Itàlia chi dd’aiant donadu in su perìodu sabàudu: difatis est sa Regione a in ue su ministèriu de sa giustitzia at istabilidu chi depant essere presoneris is boss de prus perìgulu de màfia, camorra e ‘ndrangheta.
Est istadu fundamentale in su minimare is arriscos de protestas de polìticos e populatzione su datu chi Leoluca Bagarella e is àteros cumpàngios suos esserent trasferidos in sa segretesa prus manna e semper medas chidas atesu s’unu dae s’àteru.
Custa detzisione de s’esecutivu est istada meda abbista, ca propriu pro mèritu suo, is chi si sunt pesados contras de cust’initziativa sunt istados (francu Mauro Pili, Anna Maria Busia e pagos àteros) a beru meda pagos e giai oe sa presèntzia de mafiosos de cada genia in is presones de s’ìsula dda cunsideramus normale o inevitàbile.
Est cosa de interessu mannu sa de valutare chi cust’istrategia guvernativa est istada s’atuatzione de s’ischema sotziològicu de sa rana buddida chi aiat teorizadu Noam Chomsky.
“Immaginade una pingiada prena de abba frida a in ue nadat de manera tranchilla una rana.
Su fogu est allutu a suta de sa pingiada, s’abba si ponet a callentare a bellu a bellu.
Chitzo diventat prus callente, a sa rana prus a prestu dd’agradat e sighit a bi nadare a intro.
Sa temperadura si nde pesat de prus. Immoe s’abba est callente a beru. Unu pagu prus de su chi a sa rana non dd’agradet. Si cansat unu pagu, nointames non s’ispantat. S’abba immoe est callente meda.
Sa rana dd’agatat meda isgradèssida, ma s’est indebilitada e non tenet prus sa fortza pro reagire. A custu puntu dda soportat e non faghet nudda.
In su mentras sa temperadura sighit a si nde pesare galu, finas a su puntu a in ue sa rana agabat — simpremente — morta buddida.
Si sa rana dd’aerent simpremente immèrghida in s’abba a 50°, custa aeret donadu unu curpo mannu de brancas e esseret sartada luego a foras dae sa pingiada.
Cust’esperientzia evidèntziat chi — cando unu cambiamentu si produet de manera bastante istentosa — non s’avertet e pro custu non produet peruna reatzione, peruna opositzione, peruna rebellia.”
Orìgine: Noam Chomsky 10 strategies of manipulation by the media
Immoe, ant a nàrrere in Roma, si pro su chi pertocat unu tema aici traballosu che a cussu de s’arriscu de infiltratziones de sa màfia cust’ischema s’est reveladu aici eficatze in is cunfrontos de una populatzione chi narant tirriosa e chertadora che a is sardos, pro ite non deperet funtzionare cando si faeddat de su depòsitu de iscadras radiativas?
Ischimus difatis meda bene chi mancari is dennegadas guvernativas sa Sardigna abarrat s’ùnica regione a in ue ddu coesistint totus is rechisidos (sismitzidade dèbile, densidade bàscia de sa populatzione etc…) pro dd’acollire “in seguresa”. Pro custu est pretziosu, a in antis a totus is rinvios e totus is dennegadas guvernativas a is cales amus assistidu, chi resessimus a donare unu curpo de brancas a in antis chi non bi siat prus tempus.
Su depositu est de superfitzie e lu debent prima fraigare e no est tzertu cosa de faghe a cubadu. Ma sa sa bardiania at a essere atenta meda e padedda uniche non ne lis lassamus ponnere.
Dare «un colpo di zampa»!!!
“Colpo di zampa” comente?
– Zurendhe «fedeltà alla Repubblica italiana» comente faghent totu sos Cussizeris regionales candho comintzant – e sighint – sa legisladura?
– Currindhe a si candhidare a deputados e senadores a su Parlamentu italianu pro cufrimmare sa fune chi nos muntenet impicados a s’Itàlia?
– Faghindhe «interrogazioni» a sos ministros de s’Itàlia pro ndh’àere rispostas de MENEFREGO e trinta dinaris de totu sos Giudas?
– Ingabbiados miserabbilmente in totu sos partidos italianos de donzi fascismu e càlibbru pro afariedhos de “sègami unu biculedhu de casu”, pro piaghere?
– Zurendhe totu sos síndhigos «fedeltà alla Repubblica italiana» pro intrare in funtzione e “conseguentemente” abbassiare sa conca a donzi vigliacada “democratica” prus bella e importante fata in fàscia tricolore?
– Interpretendhe in manera vigliaca e traitora a conca incrubada faghindhe “lo gnorri” sa funtzione de guvernare sa RAS?
INOGHE NO ISCHIMUS MANCU IT’EST UNA CIVILISSIMA DISUBBIDIÉNTZIA CIVILE!!!
Si amus seberadu de fàghere sos miseràbbiles, de unu “orgoglio di sardi” cagadu e no su diritu dovere de sa dignidade de èssere zente, amus a dare solu corpos de tússiu, parte ca semus leados fintzas a prummones e no solu a conca e a su tzugu e parte chei cudhos chi daent unu corpu de tússiu pro fàghere a cumprèndhere chentza nàrrere nudha chi no sunt de acordu.
Candho mai s’Itàlia monàrchica fascista demogràtica no at a cumprèndhere chi podet fàghere totu su chi cheret cun sos Sardos “nei secoli fedeli” che canes suta mesa ispetendhe si li ruet de manos carchi parfaruza?
Resistere ad ogni costo ad ogni tentativo di realizzazione dell’impianto o di qualunque impianto mascherato da altri itilizzi. Sarebbe imperdonabile e oltremodo vile, rendere negoziabile l’installazione in cambio di posti di lavoro o di opzioni similari.
Ogni Regione tenga sul proprio territorio le scorie prodotte e si frazioni così il rischio complessivo di incidenti non improbabili ,vista l’incapacità e la noncuranza tutta italiana, nell’affrontare questioni in punto sicurezza, manutenzioni e gestioni tecniche. I problemi sorgeranno anche e soprattutto col trasporto in quanto nessuno vigilera’.
NO SU TUTTI I FRONTI.
VERREMO VENDUTI ANCHE AD ALTRI PAESI ESTERI.
VIGILIAMO…
Non credo che ci riusciranno ad imporre ciò. I sardi stanno prendendo sempre di più coscienza e consapevolezza del valore archeologico, naruralistico, storico
e turistico della Sardegna..
Si tratta di eleggere politici che si facciano rispettare e tutelino l’immensa civiltà che ci è stata lasciata in eredità e che
possediamo. Esiste anche l’utodeterminazione che Scozia e Catalogna portano avanti da anni, per farsi sentire e rispettare.