(Per leggere l’articolo in italiano cliccare sulla bandierina in alto)

S’espressada “avere una palla al piede” nos diat pòdere conduire a sa Sardigna, firma in mesu a su mare, ma mescamente isente a detzìdere a in ue tucare o detzisa a non tucare a logu perunu.

Aia sighidu sas peleas de sa tznetrale termodinàmica de Flumini Mannu chi dae sos mèdia est istada contada comente afrenta a su territòriu, cun manìgios e ispeculatzione e cun s’eroe Dàvide chi si oponet a s’asurèntzia – Golia. Sende unu sustenidore de sas energia rinnovàbiles, e galu d eprus de s’indipendèntzia energètica de sa Sardigna cun su mèdiu de custas energias a sa sola, diat chèrrere torrare subra cust’istòria.

Non pro agiuare su grupu d eoss promotores, ma pro meledare subra unu de sos medas esempros de immobiismu chi nos agarrat.

Unu progetu pro unu impiantu solare termodinàmicu de sa potèntzia de 55 MWe propostu non prus de tres annos como; opositores sunt sa Regione Sardigna, su Ministeru de sos benes Culturales, Legambiente, sos 5 Stelle, sos comitados tzìvicos e sos entes locales sardos, belle totus, cun sos sòlitos ma o in capas; sa Flumini Mannu Limited traballat cun investimentos in su setore energèticu, e est rapresentada in Sardigna dae s’architetu Virdis chi sustenit chi “cun s’acumprimentu mancadu de sas tzentrales sa Sardigna diat pèrdere un’oportunidade importante de traballo e isvilupu”.

Resumo unos cantos cunsideros in favore: ocupatzione de sa terra parìvile a su 0,01% de su totae de sos terrenos agricolos sardos chi ant a pòdere èssere coltivados cun sistemas irrigativos cun unu respàrmiu de abba; b’at a àere trabalu pro 1500 persones in sos tres annos de fràigu e pro 70 persones pro costoire e gestire: su 50 % de sas cumponentes de s’impiantu, cun tecnologia arta italina, at a èssere produidu in Sardigna e sa produtzione at a pòdere frunire energia lìmpia a prus de 200.000 persones e in fines torrende a cuberare vapores s’ant a caentare e isfritare industrias, serras e servìtzios de su territòriu. In unu momentu cando s’isvilipu de custas operatziones est de fundamentu, unu progetu che a custu, chi diat pònnere sa Sardigna in buca de carru, ca diat èssere primorosa in conforma a sos impiantos medas chi si acumprint mescamente in USA, Ispagna e nord Àfrica.

Si est beru chi non b’at bisòngiu de tzentrales noas, e finas beru chi si diat pòdere cungiare sas tzentrale a combustìbile fòssile, a cunsonu cun una filosofia semper prus proclamada e aplicada.

In concluos su chi apo gia relatadu non bolet èssere una campagna a favore de sa tzentrale, ma a manera simples unu meledu subra s’apojoladura assoluta in protzessos annoadores de isvilupu.

Pro ite s’est naradu ca eja, e si cherent galu amparare industrias chi ant derrutu e luadu territòrios (Eurallumina, 90 miliones de tonnelladas de ludru ruju), a fàbricas che a sa Rwm de Domusnovas chi produit bombas, a sas tzerachias militares faghende de Sardigna sa regione europea prus militarizada cun 3.000 ètaros? Finas s’arga nucleare faghet balangiare.

Mentovende a Alberoni nois sardos semus in unu “istadu naschidore” chi non cheret nàschere. A manera paradossale Golia no est unu bèstiu crudu, ma una discunfiàntzia in nùmene de una cuscèntzia chi non si cheret ischidare.