(Per leggere l’articolo in italiano cliccare sulla bandierina in alto)
S’abenimentu de su G7 de sos trasportos chi s’at a fàghere in Sardigna si presentat che unu disbaratu. Bastat a bìdere sas cunditziones de sos trasportos nostros, internos e esternos. Sunt in meda sos chi intuint in custa reunione un’oportunidade de megioru de sos trasportos fintzas in sa terra nostra, cosa chi sena duda s’at a dare. Ma est fintzas beru chi in cantu a trasportos in Sardigna fartat totu, francu sa dibata.
Una dibata alluta, intre chie elencat sos problemas, chie los minimìgiat e chie los negat. In su mentres, però, nemos detzidit.
E tando cun ogni probabilidade totu s’at a acabare in su tentativu disisperadu de sa giunta Pigliaru de si fàghere bella, unfrende·si sas petorras pro àere (sena mèritos) acasagiadu unu grandu eventu internatzionale. Giai mi paret de los bìdere, Pigliaru e Deiana in antis de totus, in bestimenta de tzerimònia, istringhende manos e iscantzende lavras.
Sena contare chi los ant a lassare foras de s’aposentu comente giai est sutzessu cun sa vìsita de su presidente tzinesu.
Est tzertu chi at a èssere unu disbaratu, comente apo naradu, chi sos potentes de su mundu industrializadu bèngiant a inoghe a faeddare de trasportos de su tempus benidore, de tecnologias de avanguàrdia, a si ocupare de una netzessidade vitale pro s’economia e sa mobilidade de milliardos de pessones ogni annu.
Agiomai paret unu disacatu. A èssere malitziosos si diat pòdere pensare chi sa giunta Pigliaru at pedidu a sa disisperada unu signale, una genia de legitimatzione dae Roma.
E Roma, befulana, at rispostu cun custu. Pròpiu cun custu, diàulu.
Comente ant a fàghere a aguantare totu custu aghedu in sa ferta? E a chie ant a dare sas neghes de sas dificultades de sos trasportos in s’ìsula cando sos giornalistas – disapiedados – lis ant a preguntare.
E mancu pro acasagiare sos istràgios ant a fàghere bella figura, francu chi non fagant unu frùschiu a Nàpoli pedende chi bèngiat calicunu a nàrrere comente gestire sos trasportos in mare. E pro cantu riguardat su chelu, mègius a non nde faeddare, ca ant bèndidu (a baratu) un’aeroportu e giai sunt programmende su restu. Custas cosas difìtziles cumbenit a las bèndere, calicunu àtere las at a isboligare.
Sa chistione interna est mègius a non nde la bogare a pìgiu. E ite li naras a unu ministru de unu grandu Paisu? Si cheret bènnere a bìdere s’Ogiastra blocada dae un’istremenada chi isperat de èssere miraculada dae su Giro d’Italia?
O forsis nche lu giughes a fàghere unu giru panoràmicu in pendolino superlestru?
Lassa pèrdere, lassa. Chi a ùrtimu nde bessit a pìgiu su difetu de semper e tocat a fàghere su giru in retromartza.
Pro la truncare in curtzu, su chi cumbenit est a fàghere su bellu in cara. Est tzertu chi nemos s’at a atrivire a nàrrere cussa beridade santa chi totu nois sardos ischimus dae semper: a tènnere isulada sa Sardigna no est su mare ma sa polìtica.
Pro custu est chi cun ogni probabilidade sos amministradores nostros, fata sa fotografia de grupu, ant a ammìtere a manera genèrica chi sos problemas sunt meda e antigòrios, chi faghimus cantu prus podimus, chi sas responsabilidades sunt tantas chi giai non si contant, chi s’insularidade, sa crisi e chi torrant sas gràtzias pro s’oportunidade manna chi lis ant dadu pro faeddare de s’argumentu, e bla, bla, bla …
A custu puntu nois, sena nos ispantare, amus a tènnere sa sensatzione chi sos 7 Grandos siant istados acasagiados dae sos 7 naneddos.
Ormai da troppo tempo ci copriamo di ridicolo. Questo è un’ulteriore dimostrazione di quanto possiamo ancora sprofondare. Pigliaru, Zedda, Deiana, Paci e compagnia cantando: non hanno mai lavorato un giorno solo della loro vita senza la certezza dello stipendio della mamma stato-italia. E’ chiaro che non potranno mai realizzare quanto ridicoli siano agli occhi di tutti: in Sardegna, come in italia, come in europa e resto del mondo.
Saluti
Bravissimo Pierfranco…veramente interessante il tuo punto di vista che e’ quello di chi, se ha in po di sale nella zucca, non puo’ non condividere. Resta davvero da chiarire quali siano i motivi del perché questo G7 venga ospitato in Sardegna visto che , vantarsene solo per la nostra proverbiale ospitalità o peggio per trarre vantaggi pubblicitari per la prossima campagna elettorale, e’ davvero di uno squallore indicibile.
Io credo che questa sia un’opportunita’ per far sentire la nostra voce sulla situazione in cui versa il sistema dei trasporti sardi e sul secolare isolamento che impedisce ogni tipo di sviluppo.
Insomma impediamo che questa sia un ennesima occasione di autocelebrazione, di strette di mani inutili incorniciate dai soliti fiori colorati negli aeroporti ..e dei soliti defilee delle nostre ragazze in costume tradizionale e gli immancabili mamuthones saltellanti a dire……ma si in fondo all’ interno della nostra Riserva si sta bene ..”Guardi come siamo bravi e ospitali…ah …e questo, dottore, e’ un presente per la Sua Signora… Ossequi…” !
A proposito di trasporti, ferrovie ecc. Riaprire la Keller di Villacidro sarebbe cosa buona e giusta, presidente, 300 famiglie aspettano che la Giunta Regionale intervenga seriamente prima che la fabbrica venga svenduta a pezzi…. il tempo stringe… altro che G7.