(Per leggere l’articolo in italiano cliccare sulla bandierina in alto)
Itte diada tennede de ‘essede o de no essede custa nostra Sardigna, bella e disgrasciada, zente meda parede chi l’iscada. Calicunu prefferidi a l’iscriede fintzasa in sos muroso, impittende sempre formas negatovasa commente “ Sardigna no est..” o dende oldinese comente “A fora..”.

Cando in calchi carrela ‘io una de custasa iscrittasa, bos cunfesso chi bos tenzo unu pagu in invidia. Ca deo, chi in una ‘idda de custa isola bi so naschidu, appo imparadu sa limba sua in s’intimidade se sa famiglia mia, de siguresasa nde tenzo pagasa e in sa valigia banderasa no binde ponzo.

Ma chi no cumprendana male sos leadres indipententistas, chi meda faeddana de percurosso e rivolutzionese culturalese. No mi che ponzana, a mie e a chi la pensada comente a mie, in su gruppo de sos chi non tenene attenzione, chi siguini s’abitudine, chi ispettana chi calicunu l’abbelzada sos ojos. Si, las tenzo in invidia sas siguresas bostrasa, deo chi penso a una identidade complessa, diffitzile, abbelta.

Pro calichunu no ada essede fatzile de lu atzetade, diada a essede pius semplice a essede calchi cosa pretzisa e bastada, cun bandelasa e istemmasa. Iscridiada Deledda: “Siamo spagnoli, africani, fenici, cartaginesi, romani, arabi, pisani, bizantini, piemontesi.”. Peraulas chi mi tenene inchiettu, chi mi cunfundene ma chi intendo miasa.
Ma s’identidade est sempre meda personale e este subra de sas questiones politicas chi bos chelzo faeddade.

Bois, leaders indipendentistas, faghides propaganda subra de su rapportu chi s’istadu centrale tenede cun sa Sardigna nende inu muntone de cosas giustasa. Ma secundua mie, s’errore ‘ostru este in sos nommenese de sas cosas chi mentovadese. Impittadese male sa peraula colonialismu pro narrede crisi zentru-periferia.

Unu importante politicu sardu, s’annu passadu ‘ada iscrittu in su blog sou “No bos fidedas de sos italianos” immentrighendesi de nos narrede menzusu a chie si fu riferinde. Cheriada narrede “Nos bos fidedas de s’istadu, custa cosa disconnotta” o cheriada narrede de no nos fidade de tottu sa popolazione sde sa penisola, chi siana de Molfetta o de Ivrea?

No bos naro custas cosas chilchede de giustificade sos errores ingiustificabiles de Roma, ma lu fatto po bos accusade de ae permissu (paris a tottu sos politicos sardos) chi sia bistada sa Lega Nord a faeddade in Italia de federaalismu. Comente este capitadu chi sia bistadu Calderoli e no sos sardos paris a sos lucanos, a sos trentisnos, a sos friulanos e a tuttu sos tzittaidnos de sas periferias italianas? Sa peraula federalismu ammenta como solu sa Lega Nord e sos suos egoismos. Ma su Regnu Unidu, s’Ispagna,, sa Germania, nos faghene biede esempios interessantese de istados detzentralizzados.

Ma bois, indipendentistas, fintzas cando abbaidades modellos, parede chi cheridese sighide pius sas ideas bostras chi su bene de sa Sardigna. Comente mai tottu custa attenzione pro s’Iscotzia e mancu una peraula ppro su Galles? No solu unu ‘onu anzone IGP, ma cun sos gallesos condividimos sa presentzia de una imba minoritaria viva e faeddada (a differentzia de s’Iscotzia). Ma foltzisi su Galles, chi no siguidi sos indipendentismos, bos faghede girare a s’attera ala.

E itte narede de sas Baleares, meda pius vicinas a noisi pro modellu economicu e insularidade de sa Catalogna chi sempre abbaidadese comente unu esempiu.

No potho però mancade de bos inviade una provocatzione subra sas bases militarese. Deo puru mi arrennego pro su chi sutzedidi in sos poligonos de s’isola nostra e bos ammiro pro bos distinghede sempre cun sa negazione de cale siada violentzia. Ma mi diada a piaghede de cumprendede menzusu itte cheridese narrede cun custos “A fora..”. In sa ‘ostra ipotesi de istadu bi diada a ‘essede unuesercitu ( ma cussu bos aggradada fintzas faghinde sas mattessi cosas).

O sezzis pensende a un istadu divresciu, comente su Costa Rica chi no tenede esercitu perunu? Bos soe provochende, ma chelzo narrede chi cumprendo menzus chie rifiutada sos militarese completamente, sina precisade inue issos ‘istende de chie los cherede ghiade ma no narada a inue.

Pro essede pius chiaroso, cando Mujica narada “Ammos a besside da sa preistoria cando no ana a circolade pius armas e esercitos”, faeddada de tottu sas personas e no d eunu gruppu chi ponede su problema a fora de su territoriu sou.
Leaders indipendentistas, bos invito a bos pregontade subra chie la pensada comente a mie. Su mundu meu este sue de chie este nadu in sos annos ’80, soe sardu, italianu, mediterraneu, europeu. Foltzisi su babbu de giaggiu o calchi nebode diana a tennde atteras ideas.

Ma su chi dia a cherrede ischide este itte zassu ana a occupade, chie la pensada comente a mie, in sa ‘osta utopia de sotziedade sarda.Diada a ‘essede una Sardigna pius interessante e dinamica de custa sofferente da inue mi che soe andadu? De no bi creo.