(Per leggere l’articolo in italiano cliccare sulla bandierina in alto)

Canta bias apo intesu chi custa fiat sa Giunta de sos Professores? E duncas sa prus cumpetente a manera tècnica, mescamente in ue fiat prus pretzisu?

Sos traspostos cun s’espertu mannu Deiana. Sos resultados sunt a dae in antis de totus.

O su Bilantzu, cun su vizupresidente Paci, presente in totue, non prus s’alter ego ma ormai su dominus – chi no est eletu – de sa Giunta.

S’òmine chi mantennet sa càscia, chi detzidet ite si podet gastare e ite nono. S’òmine chi at fatu sos acordos subra sas Intradas cun sun guvernu Renzi, totus in pèrdida pro sa Sardigna, s’òmine chi at ritiradu sos ricursos a sa Corte Costitutzionale pro su dinare chi s’Istadu depet a sa Sardigna, s’òmine chi at fatu mutuos noos pro prus de unu miliardu.

Tando, pagos minutos como s’Ansa at fatu ischire chi sa Consulta at botzadu sa finantziària 2016 de sa Regione, ismanniende sa botzadura subra su disavantzu tècnicu de sa lege intrea.

Totu fiat naschidu sende chi su guvernu “amigu” – pro Pigliaru e Paci ebbia – aiat fatu recursu in contu a s’artìculu de sa lege 6 de sitabilidade. Sa Consulta at imbetzes declaradu s’illegitimidade de totu su provedimentu legislativu aprovadu s’annu coladu, faghende tzensura a su sestu totu cantu.

Ite narant sos giùighes costitutzionales? “Unu sbilantziamentu gasi grae chi at legitimadu sa serrada in passivu de su primu bilantzu de previsione a pustis de su riatzertamentu istraordinàriu est belle semper etziologicamente collegadu a s’incapatzidade mustrada in passadu dae s’ente territoriale in sa riscossione de sas intradas suas”.

Si non fiat bastante su chi medas de nois ant ripetidu pro meses, como b’est sa tzetificatzione de sa Consulta. Chissai si a pustis de custa botzadura su subpresidente nd’at a leare sas cunsighèntzias chi sunt pretzisas.