(Per leggere l’articolo in italiano cliccare sulla bandierina in alto)

Bos bògio contare istòrias de sardos chi ant lassadu sa terra nostra pro s’afirmare in New York o in giro pro su mundu. Sardos balentes chi isperant una die de si nde torrare si is cosas ant a cambiare in Sardigna o chi comuncas bolent torrare a bisitare amigos e parentes a comente turistas, luego chi podent, ca intendent fundudas is raighinas nostras e s’amore pro sa Sardigna.

Cumentzamus cun Maurizio Trois, eredeu òtimu de una famìllia de imprentadores mannos e immoe agente immobiliare apretziadu in Manhattan.
Maurizio, sennore de maneras bonas est nàschidu in Casteddu 45 annos faghet. Ancora pitzocheddu aiat sighidu sa dinastia de tipògrafos connòschidos meda in Sardigna in sa sienda de famìllia chi aiat torradu a ristruturare e a dda faghere moderna cun machinàrios de ùrtima generatzione.

S’Isfortzu ddos aiat mantesos in cùcuru intra de is siendas de cuddu mercadu, ma totu su setore de su paperi imprentadu est andadu de prus in in prus in crisi in is ùrtimos 10-15 annos, superioridade s’intradura de su digitale, dae s’imperu de internet e de is mèdias sotziales e dae su ismenguamentu de sa rechesta de su paperi imprentadu.

A pustis de 20 annos de resurtados òtimos e investimentos contìnuos, Maurizio iscèberat de lassare a su frade una ala de is afàrios e dae parte sua de serrare.

Bendet totu is machinàrios, pagat totu is dèpidos e pensat a si torrare a imbentare a 40 annos sonados, in su mundu de su traballu faghende su brincu mannu a Istados Unidos.

Lassat, is familiares istimados, e giòvanos alievos caltzadores meda chi allenaiat cun passione. Cudda fortzis est sa cosa chi s’at a mancare de prus, ma sa mente sua est indiritzada giai a su disafiu nou ultra-otzeanu.

Atzetat s’oferta de traballu de su titulare de unu wine bar a Brooklyn e in cue andat in su mese de capudanni de su 2013.

Sa vida noa in Brooklyn est tostada. Ònnia mangianu, difatis, Maurizio a is 8 andat a iscola pro istudiare bene s’inglesu e a pustis de 5 oras de letzione incumentzat a traballare finas a is duas de a mangianu in su wine bar a comente de barista e camerieri.

“Sa note – regordat Maurizio – torraia a dromire in s’aposentu miu in afitu in Brooklyn partzende sa domo cun sa mere de domo. Persone meravilliosa originària de sa Geòrgia chi mi at agiudadu meda pro intrare in sa sotziedade americana.” Sa fortuna (e sa perseveràntzia agiungo deo) agiudant is atrividos.

A pustis de unu annu, prus o mancu, Maurizio connoschet a una istilista bella. Si innamorat, dda faghet innamorare e a pustis de pagu si cojant (in Casteddu cun festa a La Paillote de Calamosca) e incumentzant a bìvere paris in Manhattan.

Cun Darlene sa vida sua càmbiat. Andat a bìvere a nche issa in unu mono-locale in Battery Park, a duos passos dae su World trade Center in sa punta de Manhattan. Maurizio incumentzat a sa lestra unos cantos cursos pro agente immobiliare pro chircare de si afirmare in unu àteru setore e abbandonare sa ristoratzione.

Pigat sa litzèntzia de agente immobiliare dae su dipartimentu de istadu a pustis de meses de istùdiu e de frecuèntzia in classe. Incumentzat a traballare pro sa Keller Williams chi ddu inserit in su mundu de is agentzias immobiliares sighende-ddu in s’imparòngiu.

Dae unu annu, prus o mancu, est in sa prus manna sotziedade de New York la Douglas Elliman Real Estate chi tenet sa sea in sa Madison Avenue e chi contat prus o mancu 3000 agentes e 800 ufìtzios.

“Mi incuru prus ca totu de bèndidas ma seo capassu de faghere afitos e de agiudare, italianos e non, in totu is pràticas e chircas inerentes a s’immobiliare.”
S’italianu est sa limba mama sua, paris cun su sardu, ma est capassu de faeddare bene inglesu, ispagnolu e calincuna cosa de frantzesu.

“Tèngio propiedades meda in bèndida pro americanos, ma sa aspiratzione mia printzipale est cudda de podere agiudare a totu is italianos chi bolent investire in New York o totu is italianos chi giai possedent propiedades e tenent su bisòngiu de unu chi si incuret de afitos e àteras netzessidades.”
Su coro, est craru, aturat in Sardigna.

“Intendo a mamma in Casteddu ònnia chida e si diat a emotzionare meda leghende unu artìculu a pitzus de mime afirmadu professionista in New York.”

Alloddu a Maurizio. Good luck with your life, si bieus in sa prossima pichetada de su Càgliari Club.

In is fotografias:
Maurizio traballende e una màgina de sa coja in Casteddu.
Ddu podides bìdere in:
www.elliman.com/real-estate-agent/maurizio-trois/23156 o nella sua pagina facebook
www.facebook.com/mauriziotroisRE/?ref=aymt_homepage_panel
maurizio.trois@elliman.com