Oe faeddamus de “Le Sette Note del Contrapasso”, unu progetu literàriu musicale de su casteddagiu Matteo Bordiga.
Est difatis un’opera “multimediale”: libro + CD. S’autore at contadu sete istòrias “estremas” de personàgios chi bivent vidas desempladas e sena règulas: dae su musicante mortore a su preide chi non resessit prus a atremenare unu sentimentu de amore pro sorre sua cuadu pro tempus meda.
Pro cadaunu de issos b’at una curpa de espiare, un’assolutzone o una cundenna finale. sas istòrias las ant mudadas in cantzones 5 musitzistas: cantzones chi ponent in fatu a su surcu segadu dae sos cantautores italianos ((Fabrizio De André in primis) e chi sunt in su CD allegadu a su libru.
Como chi sas festividades sunt lompende e at a essere tempus de istrinas de Nadale, “Le Sette Note del Contrapasso” podet essere un’idea galana pro unu donu….mescamente pro cuddos chi istimant meda sa letura paris cun sa musica.
Lascia un commento