Rezìmos e pubblicamos.
________________________________
Chappaqua, Istadu de New York.
Hillary e Bill si sunt dae carchi die ritirados in sa villa insoro, comporada in su ’99, cando issu hait finidu in Sa Domo Bianca.
– Nara, o Hillary, ma tue cumpresu l’asa ite hat suzessu?
– Perdidu amos, o Bill. E no cumprendo comente siet ‘istadu possibile.
– Tenzo inoghe unu contu de unu pizinnu de s’iscuadra nostra. Unu italianu cun d’unu cognomene istranu. Si narat Lussurgiu Furrighesu.
– Ite?
– Lassa perdere. A l’ischis chi narat cosas chi mai haìo intesu primu?
– Un aterunu furbu. No bastaiana sa Cnn, sa Fox, su Wall street journal e su New York Times?
– Narat chi sufrimos de sa maladia de sos”teachers-professors”.
– Ma ite istocada est?
– Maladia de “teachers-professors”. Narat de ti faghere caliguna pregunta.
– Ajo, faghe in presse.
– All’ischis cantu costat unu literu de latte?
– Certu chi l’isco. Isco puru cantu nd’amos bufau in America in su 2015, cantu nde amos atiu dae fora e cantu a fora nd’amos giutu nois. Isco puru comente sunt andadas sa siendas mannas.
– Sese semper sa menzus. Ischis puru cantu su latte ‘enit pagasu a sos pastores? E chi meda sunt lassende sa campagna e serrant sas siendas?
– Certu chi l’isco, a cantu bi lu pagant. Tenent problemas, est beru. Ma gasinche andat su mundu, ite potet faghere su guvernu?
– Adeboi faedat de sas fabricas, de sos operaios, de su fatu chi totu che leana in Cina.
– Gasinche andat su mundu. Inoghe cherent su postu assigurau, roba ‘e macos.
– Poi narat chi in Iowa, Wisconsin e Ohio est diventende unu desertu, chi sa tzente si che andat. E gosie serrant sos servitzios e sas iscolas.
– Gasinche andat su mundu.
– Po custos puru?
– Eja. Ite pretendent? Tue puru ti che ses andau dae s’Arkansas po andare a New York. Puite issos tevent abarrare in Iowa?
– Narant chi sos sindigos sunt privados de poter ispendere su ‘inari.
– Ancora? Nde amos ‘ogadu su patu de istabilidade con sa paridade ‘e su bilanciu, no lis bastat?
– Nachi non hat cambiau nudda, su ‘inari no lu podent ispendere.
– Beh, intantu su governu lis hat dau sa videosorveglianza,
– Poi nachi b’hat tzente chi tenet dificultade a s’ispostare. In Alaska e in Maine, mescamente.
– Custa l’apo giai intesa. Iscurta a mie: si pretendent de hàere aereos a d’ognora, isperdios comente sunt, chi si leent un aerotaxi.
– Oh Hillary, iscrivet chi sa tzente narat chi semus de acordu solu cun sos ricos.
– Chi est chi fachet andare a dae nanti s’economia? Sos disocupados de s’Iowa, sos piscadores de sa Florida, sos minadores de su Colorado, sos pastores de su Texas o sas bancas de Manhattan?
– E tando puite amus perdìu?
– No l’isco.
– Ecco, narat propriu chi custa risposta cheret narrere chi tenimos da maladia de sos “teachers/professors”.
Fantastico!!