Custu puite intr’a pagos meses cussu at a capitare in su restu de su mundu.

In s’antigu West sa bardana a sos carros la faghiana 150 annos ai como. In Italia e in Sardigna la faghent ancora.

Custu puru si sa metade de custos irrobos, cun fusiles, pistolas e bombas, finint cun d’unu punzu ‘e muscas.

Puite sighit a suzedere? Segundu a chi nde cumprendet, tocat at abaidare a sos numeros: sos chi resessint che ‘ogant unu sacu ‘e ‘inari. Comente nissiun atera fura, in custu mamentu, potet assigurare.

Ateros numeros. Custas bardanas sunt creschidas in sos annos dau su 1985 a su 1991, poi sunt caladas de su 10 po chentus dae su 1992 a su 1999, de su 21 po chentus dae su 2000 a su 2003, fintzas a su 62 po chentus dae su 2004 a su 2006, aturende adeboi istabiles.

Numeros chi parent differentes si si leat a cunsideru su chi narant sas guardias e si si legent sos giornales.

Custu puite dae su Viminale, a bortas, che ponent custas bardanas in sa categoria “irribos cun armas in manos”.

Sigundu sas istatisticas, suzzendit pius in sos meses chi andant dae Santuaine a Ennalzu. In sa metade ‘e sas bortas s’irrobu fadit, ca sas guardias reagìnt o po s’interventu de sa justiscia.

Otto ‘ortas subr’e deghe sos delinquentes tenent pistolas e fusiles, sinono bombas. Su 58 po chentus de sas bardanas est contr’a machinas in movimentu.

In su video inoghe in altu, leadu da su sito Espansione Tv, unu chi de bardanas si nde intendiat (su bandidu Luciano Lutring, giamadu “Su solitariu ‘e su mitra”, mortu in su 2013, pagos meses adeboi de custas paraulas), naraida chi sos irrobos funt destinaos a finire luego.

Ma enzi chi no conoschiat sa Sardigna, unu logu de tradiziones chi no morint gasinche in presse.