(Per leggere l’articolo in italiano cliccare sulla bandierina in alto)
Sas crònacas a dies de oe parent essidas a bortas dae “Crònacas martzianas” de metade de sos Annos Otanta, cando una truma de amigos chi depiant ocupare su tempus in Planàrgia, si ispassiaiant a prenetare sas istramberias chi si pensaiant s’esserent presentadas in sos Annos 2000.
Chie mai diat àere pòtzdu immaginare tando chi, a costàgiu a su smartphone, a sas retes sena filos, a sas intelligèntzias artifitziales, a sa domòtica, a sos bolos a baratu, qrcode e chie prus nde at prus nde pòngiat, chi diant àere bogadu a campu sos autovelox pro acontzare sos bilantzos.
Nd’at contadu in custas dies su raportu Openpolis in contu de sos balàngios 2014, afinadu segundu su Sardinian Socio Economic Observatory- , informende-nos chi su rilevadore postu dae sa comuna de Muristeni in s’istatale 131 at incungiadu sa bellesa de unu milione e mesu de èuros in un’annu ebbia.
Male no est andada mancu pro Su Masu (unu milione) e pro La Plassas, bidda minoredda minoredda, chi in su raportu abitantes/incassos est intro sas primas in Itàlia.
Andat bene: nos ant a respòndere chi sos prefetos ant autorizadu, chi sa lege narat chi cussu dinare at a èssere gastados in sa viabilidade e gosi e gosi.
Ma dae sa retentiva mia non resesso a nche bogare una pregonta chi essit dae “Crònacas Martzianas”: ma intre sa dispatzada de unu suplente, su torrare a su postu suo un’indagadu pro fatos graes, s’amparu de sos giubilados primidios e àteras chistiones mannas mannas – pro cumbatare s’ispopolamentu – non diant pòdere aprovare una lege chi òblighet totu sos Comunes (dae Tresmuraghes a Bortigiadas, dae Iscanu Montiferru a Uliana) pro si nche pònnere un’autovelox pro ischitire su bilantzu?
Ah..est beru. Sende chi sunt comunas fora dae su tràficu mannu forsis a sos residentes –chi sunt acanta de si nch’andare ispopolados issos etotu- diat a mancare su dinare pro pagare sas multas.
E tando pro ghelare est giai prontu un’emendamentu: faghimus chi pro un’annu in sa 131 b’abarrat Tresnuraghes e pro un un’annu Muristeni. Isperemus chi, faghende s’Istadu, si nde ammentent.
Sa bella est ki no accabbada cun s’autovelox ki rallentas a 50 km a ora. Poi appena superau s’ocru a palu fissu torrasa a carcare su pede a 160/180 e arribbas drittu drittu sutta sa mira de TELELASER e ti la pone kene iscampu. 600 €uros sun sicuros a sos introitos de Stato.IT. dinare ki dde siguru no andada investiu a metzorare sa istradas in Sardigna, ma stai siguru ca mantenede SS de markiu COLONIALE.
Gli aspetti demenziali della cosa sono l’aver concesso al comune di Monastir l’installazione di un autovelox su una Strada Statale, come può avere competenza su quella strada? Nel 2013 le entrate da codice della Strada erano già state attorno ai due milioni di euro. Nel mio caso poi, aver trasgredito di 10 Kmh. il limite di 70 mi è costato 1.500,00 €, perché per due anni non ho ricevuto alcuna notifica sino a quella di Equitalia che mi intimava quel pagamento montato di sanzioni accessorie. Le risposte del comune di Monastir furono: ” Lei faccia causa alle Poste per la mancata notifica”. Se le mie preghiere si sono avverate, dovrebbe essere aumentato il consumo di medicine per gli abitanti di Monastir, assieme alla voce “entrate da C.d.S.!