In sas dies passadas apo legidu paraulas de valore iscritas dae Catena Fiorello.
Las apo fatas mias, in cantu manca deo soe amigu ‘e Renzi ma deo puru soe ilfaltadu dae s’odiu che ti tocat a legere contr’a su presidente e a sa famiglia sua.
Deo po primu, iscurtende su c’hat nadu in Washington, cando est ‘istadu ospite de Obama, apo nadu chi hat fatu faghere bella figura a s’Italia.
Po faedare, faedada cantu ‘e su primu. Ma ateras cosas sun sai operas suas, mescamente abaidendelasa dae sa Sardigna.
Duncas, podimos criticare Renzi, Pigliaru e sos ateros chena, po custu, los odiare, infamare comente pesonas?
Deo creo chi tiat essere giustu, umanu, educau e civile.
Tenet rejone Catena Fiorello cando narat chi inantis nde ogaimis a su mettessi iscandalu a Berlusconi. E deo b’aggiungo a Craxi. Cras a chie tocat?
“Su problema est sa miserabilidade- narat Catena – s’odiu chi nos faghet zegos”.
Li narana Hatespeech e l’istudian in totu su mundu comente maladia de sas dies de oe.
Podimos faghere a mediu de proare a cambiare sas cosas cun s’esempiu, sas aziones.
No est po cussu- si no leamos in odiu a Renzi, Berlusconi, Pigliaru, Cappellacci – chi no podimus sighire a los cuntrastare in su chi faghent, cando pensamos chi siet giustu e a favore de s’interessu ‘e totus.
Deo a su referendum, voto chi NONO.
Ma no soe siguru chi cussu chi hat a bennere a pustis de Renzi hat essere menzus de a issu.