Finas in campu agrìculu, b’at tretos de megioru a sas fainas de sos èssere umanos, mescamente cun s’impreu de solutziones fundadas in s’intelligèntzia artifitziale: Prospera, una sotziedade israeliana ativa in su cumpartu de sas tècnicas de aprendimentu automàticu, at acumpridu una filera de solutziones fundadas subra s’aprendimentu fungudu, sa visione artifitziale e s’iscièntzia de sos datos pro resessire a fàghere crèschere s’agricoltura fundada subra datos “verdaderos”.

Ponende fotocameras in sas terras coltivadas e una filera de sensores pro su clima, difatis, Prospera est a tretu de frunire unu sistema telecomandadu a distàntzia de gestione de s’atividade agrìcola chi pòngiant in contu sas conditziones in s’àrea coltivada, medende paràmetros in contu a s’influèntzia climàtica pro s’isvilupu de sos fundos, in prus a bardare sos matessi fundos in tempus reale, megiorende duncas sos interventos indiritzados a prevènnere custos problemas.

S’impreu de custas formas de intelligèntzia artifitziale de Prospera est a tales chi permitit de bardare fògia cun fògia, e fundu cun fundu, sos diferentes terrinos coltivados a a manera diferente, prevenende finas chi si pesent (o semper e cando arressende s’isparghinamentu) de formas parassitàrias, maladias de sos fundos, problemas chi protzedint dae abbare a manera demasiada (o non bastante), o farta de nudriamentu e àteras mancàntzias fitianas in s’agricoltura.
Impreende retes neurales a cunsonu cun archìvios a distàntzia e sensores, si podet rivolutzionare sa manera cun sa cale si faghet analizu de sos datos chi protzedint dae coltivatziones diferentes, promovende un’acostiamentu chi cajonet resurtos bonos, issolvende finas su problema de sa disponibilidade de prodotos agrìcolos cara a sa sostenibilidade de custa atividade de fundamentu pro su sustentamentu umanu.